கோவை வ.உ.சி பூங்கா மைதானத்தில் பொதுமக்கள் மற்றும் குழந்தைகளைக் கவரும் வகையில் பிரம்மாண்ட துபாய் ஃபிளவர் ஷோ பொருட்காட்சி மாலை 4-30 மணிமுதல்
இரவு 10 மணி வரை நடைபெற்று வருகிறது.
விடுமுறை தினமான இன்று, குழந்தைகள் முதல் பெரியவர்கள் வரை ஆயிரக்கணக்கான பொதுமக்கள் திரண்டு வந்து இதைக் கண்டு மகிழ்ந்து வருகின்றனர்.
கோவை நகரின் மையப்பகுதியான வ.உ.சி பூங்கா மைதானத்தில் அமைக்கப்பட்டிருக்கும் இந்த பிரம்மாண்ட பொருட்காட்சியில், துபாய் ஃபிளவர் ஷோ மாடலில் வடிவமைக்கப்பட்டுள்ள வண்ணமயமான மலர் அலங்காரங்கள் பார்வையாளர்களைப் பெரிதும் கவர்ந்துள்ளன.
பனிப்பொழிவு வீடு (Snow House): கோவையின் வெப்பத்திற்கு மத்தியில், பனிப்பொழிவை நேரடியாக அனுபவிக்கும் வகையில் அமைக்கப்பட்டுள்ள ‘ஸ்னோ ஹவுஸ்’ பகுதியில் சிறுவர்கள் முதல் பெரியவர்கள் வரை அனைவரும் உற்சாகமாகப் பொழுதைக் கழித்து வருகின்றனர்.
பேய் வீடு (Horror House): திகிலூட்டும் அனுபவத்தை வழங்கும் ‘பேய் வீடு’ இளைஞர்கள் மற்றும் சிறுவர்களிடையே மிகுந்த வரவேற்பைப் பெற்றுள்ளது.
குழந்தைகளுக்காகப் பல்வேறு பொழுதுபோக்கு விளையாட்டுகள், ராட்டினங்கள் மற்றும் சாகச விளையாட்டு அம்சங்கள் தயார் நிலையில் வைக்கப்பட்டுள்ளன.
மேலும், பொருட்காட்சிக்கு வரும் பொதுமக்களின் வசதிக்காக இருசக்கர வாகனங்கள் மற்றும் கார்கள் பாதுகாப்பாக நிறுத்துவதற்குப் பரந்த இட வசதியும் செய்யப்பட்டுள்ளது.
குடும்பத்தோடு சென்று பொழுதைக் கழிக்கச் சிறந்த இடமாக அமைந்திருக்கும் இந்தப் பொருட்காட்சி, கோவையில் மிகச் சிறப்பாகவும் கோலாகலமாகவும் நடைபெற்று வருகிறது.