கோவை பாப்பநாயக்கன்பாளையத்தில் அமைந்துள்ள மணி உயர்நிலைப் பள்ளியில் 1976-ஆம் ஆண்டு பயின்ற முன்னாள் மாணவர்களின் பொன்விழா சந்திப்பு நிகழ்ச்சி கோவை ரேஸ் கோர்ஸில் உள்ள காஸ்மோபாலிட்டன் கிளப் வளாகத்தில் சிறப்பாக நடைபெற்றது.
பள்ளிப் பருவம் முடிந்து 50 ஆண்டுகள் கடந்த நிலையிலும், தங்களது நட்பையும் பள்ளி நினைவுகளையும் மனதில் சுமந்த முன்னாள் மாணவர்கள் மீண்டும் ஒரே இடத்தில் சந்தித்து, பழைய நினைவுகளை பகிர்ந்து கொண்டனர். ஒருவரையொருவர் சந்தித்துக் கொண்ட மகிழ்ச்சியில், பள்ளி நாட்களில் நிகழ்ந்த மறக்க முடியாத சம்பவங்களை நினைவுகூர்ந்து, தங்களது அனுபவங்களை பகிர்ந்து கொண்டனர்.
“ஆண்டுகள் பல கடந்தாலும், மணி உயர்நிலைப் பள்ளி என்றும் எங்கள் இதயங்களில்” என்ற உணர்வுடன் நடைபெற்ற இந்த பொன்விழா சந்திப்பு, முன்னாள் மாணவர்களின் ஆழமான நட்பையும் பள்ளியின் மீதான பாசத்தையும் வெளிப்படுத்தும் வகையில் அமைந்தது.
50 ஆண்டுகால பயணத்தை பெருமையுடன் நினைவுகூரும் வகையில் நடைபெற்ற இந்நிகழ்ச்சி, கல்வி கற்றுக் கொடுத்த பள்ளிக்கும், வாழ்நாள் முழுவதும் தொடரும் நட்புக்கும் முன்னாள் மாணவர்கள் செலுத்திய நன்றியின் அடையாளமாக அமைந்தது.
பள்ளி வாழ்க்கை முடிந்தாலும், அந்தப் பள்ளி உருவாக்கிய நட்பு என்றும் முடிவதில்லை என்பதை உணர்த்தும் விதமாக நடைபெற்ற இந்த பொன்விழா சந்திப்பு, அனைவரது மனதிலும் நீங்கா நினைவாகப் பதிந்தது.