தமிழக அரசைக் கண்டித்து திமுக மகளிரணி சார்பில் மாநிலம் முழுவதும் கண்டன ஆர்ப்பாட்டம்!

தமிழகத்தில் சட்டம்-ஒழுங்கு சீர்கேடு, பெண்கள் மற்றும் குழந்தைகளின் பாதுகாப்பற்ற சூழல், விலைவாசி உயர்வு உள்ளிட்ட பிரச்சினைகளைக் கண்டித்து திமுக மகளிரணி சார்பில் இன்று (அக்டோபர் 31) மாவட்டத் தலைநகரங்களில் மாபெரும் கண்டன ஆர்ப்பாட்டம் நடைபெற்று வருகிறது.
தமிழக அரசின் நிர்வாகச் செயல்பாடுகளைக் கண்டித்து நடைபெறும் இந்த ஆர்ப்பாட்டத்தில், பெண்கள் மற்றும் குழந்தைகளின் பாதுகாப்பை உறுதி செய்ய வேண்டும், விலைவாசி உயர்வைக் கட்டுப்படுத்த வேண்டும் உள்ளிட்ட கோரிக்கைகளை வலியுறுத்தி திமுக மகளிரணியினர் கண்டன முழக்கங்களை எழுப்பி வருகின்றனர்.
மாநிலம் முழுவதும் நடைபெறும் இந்தப் போராட்டம் அரசியல் வட்டாரத்தில் கவனம் பெற்றுள்ளது.