கடைசி நொடியிலும் கடமை மறவாத ஓட்டுநர்! குடியாத்தம் அருகே அரசு பேருந்து ஓட்டுநருக்கு திடீர் மாரடைப்பு – பயணிகளை காப்பாற்றியபடியே உயிரிழப்பு

வேலூர் மாவட்டம் குடியாத்தம் அருகே அரசு பேருந்து ஓட்டுநருக்கு பணியில் இருந்தபோது திடீரென மாரடைப்பு ஏற்பட்ட சம்பவம் சோகத்தை ஏற்படுத்தியுள்ளது.
பயணிகளுடன் அரசு பேருந்தை ஓட்டிச் சென்றுகொண்டிருந்த ஓட்டுநருக்கு திடீரென உடல்நலக்குறைவு ஏற்பட்டதாக கூறப்படுகிறது. மாரடைப்பு ஏற்பட்ட நிலையிலும், பேருந்தின் கட்டுப்பாட்டை இழக்காமல் செயல்பட்ட ஓட்டுநர், பேருந்தை பாதுகாப்பாக நிறுத்த முயன்றுள்ளார்.
உயிர் பிரியும் தருவாயிலும் தனது கடமையை மறக்காமல், பேருந்தில் இருந்த பயணிகளின் பாதுகாப்பை உறுதி செய்தபடியே ஓட்டுநர் உயிரிழந்ததாக தகவல் வெளியாகியுள்ளது.
இந்த சம்பவம் பயணிகள் மற்றும் பொதுமக்களிடையே பெரும் சோகத்தை ஏற்படுத்தியுள்ள நிலையில், கடைசி நொடியிலும் பயணிகளின் உயிரைக் காப்பாற்ற முயன்ற ஓட்டுநரின் கடமை உணர்வுக்கு பலரும் பாராட்டு தெரிவித்து வருகின்றனர்.