ஓணம் கொண்டாட்டத்தில் ஒற்றுமையை வெளிப்படுத்திய கேரள கல்லூரி மாணவர்கள்

கேரளாவில் கல்லூரி மாணவர்கள் ஓணம் அறுவடைத் திருவிழாவை உற்சாகமாகக் கொண்டாடினர்.
பாரம்பரிய கசவு புடவைகள் மற்றும் முண்டுகளை அணிந்த இந்து, முஸ்லிம், கிறிஸ்தவ சமூகங்களைச் சேர்ந்த மாணவர்கள் ஒன்றிணைந்து கைதட்டி நடனமாடி மகிழ்ந்தனர்.
செண்டை மேளம் மற்றும் பாரம்பரிய இசையின் தாளத்திற்கு ஏற்ப மாணவர்கள் உற்சாகமாக நடனமாடிய காட்சிகள், கொண்டாட்டத்திற்கு மேலும் சிறப்பு சேர்த்தன.
முற்றம் முழுவதும் பூ இதழ்கள் மற்றும் வண்ணக் காகிதத் துண்டுகளால் அலங்கரிக்கப்பட்டிருந்த நிலையில், மாணவர்களின் ஆரவாரத்துடன் ஓணம் கொண்டாட்டம் களைகட்டியது.
மதம் மற்றும் சமூக வேறுபாடுகளைக் கடந்து இளைஞர்கள் ஒன்றிணைந்த இந்தக் காட்சிகள் சமூக வலைதளங்களில் கவனம் பெற்றுள்ளன.
கேரளாவின் அனைவரையும் உள்ளடக்கிய கலாச்சார பாரம்பரியத்தையும், ஒற்றுமையின் உணர்வையும் வெளிப்படுத்தும் அழகிய தருணமாக இந்த ஓணம் கொண்டாட்டம் அமைந்துள்ளது.