BPCL குழாய் திட்டத்திற்கு எதிராக விவசாயிகள் போராட்டம் – தீக்குளிக்க முயன்றதால் பெரும் பரபரப்பு!
திருப்பூர் மாவட்டம் அவினாசிபாளையம் அருகே, பாரத் பெட்ரோலியம் கார்ப்பரேஷன் லிமிடெட் (BPCL) நிறுவனம் சார்பில் விவசாய நிலங்கள் வழியாக எரிவாயுக் குழாய்கள் அமைக்கும் பணிக்கு எதிர்ப்பு தெரிவித்து, அப்பகுதி விவசாயிகள் மாபெரும் சாலை மறியல் போராட்டத்தில் ஈடுபட்டனர். இப்போராட்டத்தின் போது பெண்கள் சிலர் திடீரென தீக்குளிக்க முயன்ற சம்பவம் அப்பகுதியில் பெரும் பரபரப்பையும் பதற்றத்தையும் ஏற்படுத்தியுள்ளது.
எங்கள் வாழ்வாதாரமான விளைநிலங்களை அழித்து இந்த திட்டத்தைச் செயல்படுத்தக் கூடாது. மாநில அரசு உடனடியாக இதில் தலையிட்டு, இந்த குழாய் வழித்தட திட்டத்தைச் சாலை ஓரமாகவோ அல்லது மாற்றுப் பாதையிலோ செயல்படுத்த உரிய நடவடிக்கைகள் எடுக்க வேண்டும். அரசு எங்களுக்குச் சாதகமாக உரிய நடவடிக்கை எடுக்கும் வரை எங்கள் போராட்டம் தொடரும்!”
இச்சம்பவத்தைத் தொடர்ந்து, அப்பகுதியில் அசம்பாவிதங்கள் எதுவும் ஏற்படாத வண்ணம் பெருமளவில் காவல்துறையினர் குவிக்கப்பட்டுள்ளனர். விவசாயிகளின் இந்தத் தீவிர போராட்டமும், தீக்குளிப்பு முயற்சியும் திருப்பூர் மாவட்டத்தில் பெரும் பரபரப்பை ஏற்படுத்தியுள்ளது.
